carmina burana ego sum abbas cucaniensis free mp3 downloads @ klarnet.net

# a b c d e f g h i j k l m n o p q r s t u v w x y z

turkce

carmina burana - ego sum abbas cucaniensis

ego sum abbas cucaniensis,
et consilium meum est cum bibulis,
et in secta decii voluntas mea est,
et qui mane me quesierit in taberna,
post vesperam nudus egreditur,
et sic denudatus veste clambit:

wafna, wafna!
quid fecisti sors turpissima?
nostre vite gaudia
abstulisti omnia!

in taberna quando sumus,
non curamus quid sit humus,
sed ad ludum properamus,
cui semper insudamus.
quid agatur in taberna,
ubi nummus est princera,
hoc est opus ut queratur,
si quid loquar, audiatur.

quidam ludunt, quidam bibunt,
quidam indiscrete vivunt.
sed in ludo qui morantur
es his quidam denudatur,
quidam ibi vestiuntur
quidam saccis induuntur.
ibi nullus timet mortem,
sed pro baccho mittunt sortem:

primo proo nummata vini,
ex hac bibunt libertini;
semel bibunt captivis,
post hec bibunt ter pro vivis,
quater pro christianis cunctis,
quinquies pro fidelibus defunctis,
sexties pro sororibus vanis,
septies pro militibus silvanis.

octies pro fratribus perversis,
nonties pro monachis dispersis,
decies pro navigantibus,
undecies pro discordantibus,
duodecies pro penitentibus,
tredeciens pro iter agentibus.
tam pro papa quam pro rege
bibunt omnes sine lege.

bibit hera, bibit herus,
bibit miles, bibit clerus,
bibit ille, bibit illa,
bibit servus cum ancilla,
bibit velox, bibit piger,
bibit albus, bibit niger,
bibit constans, bibit vagus,
bibit rudis, bibit magus.

bibit pauper et egrotus,
bibit exul et ignotus,
bibit puer, bibit canus,
bibit presul, bibit decanus,
bibit soror, bibit frater,
bibit anus, bibit mater,
bibit ista, bibit ille,
bibunt centum, bibunt mille.

parum sexcente nummate
durant, cum immoderate
bibunt omnes sine meta.
quamvis bibant mente leta,
sic nos rodunt omnes gentes
et sic erimus egentes.
qui nos rodunt confundantur
et cum iustis non scribantur.